مسيحي ولا مسلم
مسيحي ولا مسلم واقف ومش معروف
واقف فى حظر تجول ولا همه موت ولا خوف
واقف بيحمي فى بلده وصدره كمان مكشوف
ده مينا ولا أحمد بجد مش معروف
مريان فى حضن فاطمة عايزة تعيش فى أمان
وشنودة فى إيد محمد بيقوله إحنا كمان
عايزيين نحمي بلدنا ونقضى على الطغيان
دى مصر فى الانجيل ومصر فى القرأن
سلامتك يا مصر من قوله الأه
سلامتك يا مصر من خاين وشوفناه
سلامتك يا مصر من البرادعي واللى معاه
سلامتك يا بلدي من الليل اللى طال جفاه
مسيحي ولا مسلم لازم نقف مع بعض
كفاية خراب ودمار وفساد بيملى الارض
بقينا فى مصر عرضة طب فين الشرف والعرض
دى مصر بلدى وبلدك وخوفنا عليها فرض
قواد نازل يقودنا وعايز الحكم فى ساعة
ليه يتكلم بإسمي فى كل قناة وإذاعة
الجاز خلاص إندلق وهو معاه الولاعة
يا براعي مالكش مكان دى مصر مش بلاعة
يا مصري بتنادي بالرحيل وتنادي على الطيارة
وسايب خاين يقودك فى دمه نار ودعارة
اربعين حرامي نزلوا لما وقعت المغارة
وكلاب السلطة واقفة منتظرة أى إشارة
يادى الذل والمهانة يادى النكسة ويادى العار
بأى حق وأى أمانة المصري بيضرب أخوه بالنار
وبأى حق بلدي ترضى بالخراب وبالدمار
من شوية إخوانجية وبكرة ينزل الستار
يعني ايه جمعة غضب يعني ايه جمعة رحيل
كفاية يا برادعي شغب ده انت أصلا كلب دخيل
بسألك بأسم الشباب فين عراقنا الأصيل؟
ما أنا قولتلك ومن زمن أنت كلب بس عليل
